Футзалдан Қазақстан құрамасы сырт алаңда Әзербайжанды жеңді

Элиталық раундтың үшінші турында Кака командасы Әзербайжан құрамасымен кездесті. Ойын Бакуде өтіп, 4:2 есебімен қазақстандықтардың жеңісімен аяқталды.

Әзербайжан құрамасы матчта Хади Ахмади соққан голдың арқасында есеп ашты. Екінші таймда қазақстандықтар төрт голмен жауап берді - Біржан Оразов, Дуглас, Дәурен Тұрсағұлов және Эдсон көзге түсті. Кездесу соңында алаң иелері Қазақстан құрамасының қақпасына екінші голды соқты. Қорытынды есеп Қазақстан құрамасының пайдасына 4:2.

11 қазанда Қазақстан мен Әзербайжан Элиталық раундтың төртінші туры аясында тағы да кездеседі. Ойын Астанадағы Жақсылық Үшкемпіров атындағы Жекпе-жек сарайында өтеді. Кездесу елорда уақытымен 20:00-ге жоспарланған.

Әзербайжан – Қазақстан – 2:4 (1:0)

Голдар: Хади Ахмади 12, Манека 40 – Біржан Оразов 23, Дуглас 27, Дәурен Тұрсагұлов 36, Эдсон 39 

Ескертулер: Фелипиньо 27, Биэл 36 – Дәурен Тұрсагұлов 29

Әзербайжан: Кюрдов (в), Эдуардо, Вилела, Фелипиньо, Амадеу – Гусейнли (в), Гюлюзаде, Манека, Ахмади, Казиханов, Багиров, Галло, Агхализада, Биэл;

Бас бапкер: Виталий Борисов.

Қазақстан: Игита (в) (к), Эдсон, Тұрсагұлов, Дуглас, Оразов – Серіков (в), Валиуллин, Лео, Ақбалықов, Есенаманов, Кнауб, Жұма, Дәрібай, Абдуманапұлы;

Бас бапкер: Рикардо Кака.

Төрешілер: Кирилл Найшулер, Артту Кюнаераейнен, Пааво Комппа (все – Финляндия).

06.10.2023. Баку, Baku Sports Hall.