Ерлан Жамантаев ҚФФ президентті лауазымына үміткерліктен бас тартты

18 желтоқсан 2024, 14:03

2024 жылдың 18 желтоқсанында Қазақстан футбол федерациясының Сайлау комитетіне Жамантаев Ерлан Айтпайұлы («Жеке футбол мектептері мен академияларының республикалық лигасы қауымдастығы» ЗТБ өкілі) сайлауға қатысудан өз еркімен бас тартуы туралы өтініш білдірді.

Берілген өтінішке сәйкес, ҚФФ Сайлау комитеті Жамантаев Ерлан Айтпайұлын ҚФФ президенті лауазымына үміткерлер тізімінен шығару туралы шешім қабылдады.

Осылайша, ҚФФ президенттігіне үміткерлердің түпкілікті тізімі келесідей:

Даумов Алтай Алмасұлы – «Алматы облысының футбол қауымдастығы» ЗТБ атынан.
Қайыров Ербол Қыдырбекұлы – «Ақмола облыстық футбол қауымдастығы» ЗТБ атынан.
Лория Давид Григорьевич – «Қарағанды облыстық футбол қауымдастығы» ЗТБ атынан.
Омаров Марат Талғатұлы – «Астана қаласы футбол федерациясы қауымдастығы» ЗТБ атынан.

ҚФФ-ның кезектен тыс XXVII Сайлау конференциясы 2024 жылдың 20 желтоқсанында өтеді.