Максим Cамородов: «Біз тек жеңіс үшін ойнаймыз»

– Дайындық қалыпты режимде жүріп жатыр. Жігіттердің бәрі бабында. Бапкер айтқандай, жарақат алғандарды есепке алмағанда, бәрі жеңіс үшін күресуге және соңына дейін ойнауға дайын.

– Дастан Сәтпаевпен өзара түсіністік қалай? Байланыс орнап үлгерді ме?

– Біз бұған дейін де бірге жаттығып жүрдік. Өзара түсіністік бар. Ал нақты нәтижені ертең алаңнан көресіздер деп үміттенемін.

– Ертең құрама «Астана Аренаға» оралады. Астана мен Алматыдағы ойынның қайсысында өзіңізді жайлы сезінесіз?

– Атмосфера жағынан алғанда, мен үшін «Астана Аренада» ойнау ыңғайлырақ. Мұндағы стадион көлемі үлкен, трибуналар жақын орналасқан, жүгіру жолдары жоқ – сол себепті жанкүйерлердің қолдауы да ерекше сезіледі. Жеке өзім үшін бұл жерде ойнау әлдеқайда жақсы.