Жағажай футболынан Қазақстан ұлттық құрамасы Еуролиганың элиталық дивизионына шақырту алды

01 сәуір 2026, 14:43

Жағажай футболынан Қазақстан ұлттық құрамасы 2026 жылғы маусымда Еуролиганың А дивизионында өнер көрсетеді. Бұл турнир деңгейі жағынан Еуропа чемпионатына теңестіріледі және құрлықтағы ең мықты құрамалар қатысатын жарыс саналады.

Бұл нәтижеге команда Италияның Виареджо қаласында өткен Euro Beach Soccer League (EBSL) 2025 промо-финалында сәтті өнер көрсетуінің арқасында қол жеткізді. Сол турнирде Қазақстан құрамасы 4-орын алды.

Еуролиганың А дивизионында Қазақстан құрамасы Еуропаның жетекші құрамаларына қарсы ойнайды. Атап айтқанда, біздің команда Италия, Франция және Молдова құрамаларымен кездеседі.

Ойындар 29 шілде мен 2 тамыз аралығында Молдовада өтеді.

Айта кету керек, өткен маусымдағы Промофинал қорытындысымен Қазақстан құрамасының ойыншысы Михаил Кайзер турнирдің үздік ойыншысы атанды.