Қазақстан U-19 жасөспірімдер құрамасы Еуро-2027 іріктеу кезеңінің екінші раундына шықты

09 маусым 2026, 23:10

19 жасқа дейінгі жасөспірімдер Қазақстан құрамасы Еуро-2027 турнирінің алғашқы іріктеу кезеңі аясында турнир қожайындары — Грекия құрамасына қарсы үшінші матчын өткізді.

Салоники қаласындағы «Тумба» стадионында өткен кездесу Тимур Қасымов шәкірттерінің 2:4 есебімен жеңілісімен аяқталды. Біздің команда сапында Аламгир Смаков пен Исмаил Бекболат гол соқты.

Осы жеңіліске қарамастан, Қазақстан U-19 жасөспірімдер құрамасы үш матчтан кейін 4 ұпай жинап, іріктеу тобында үшінші орынға тұрақтады. Бұл нәтиже құрамамызға келесі кезеңге өтуге және А Лигасындағы орнын сақтап қалуға мүмкіндік берді.

Естеріңізге сала кетейік, бұған дейін Қазақстан жасөспірімдер құрамасы Португалиямен тең ойнап (1:1), Сербиядан басым түскен (3:1) болатын.

Еуро-2027 іріктеу кезеңі аясындағы А Лигасының екінші раунд ойындары қараша айында өтеді.

Қазақстан U-19 – Грекия U-19 – 2:4 (0:2)

Голдар: Бекболат 77, Смаков 84 – Аврамулис 32, Бердос 41, 52, Турсунидис 50

Ескертулер: Нұрғали 32

Қазақстан U-19: Буч (Қ), Қалықұлов, Мамедов, Кеңесбеков (Мұсайыпов 57), Қалиев, Нұрболат (Қағазбаев 46), Петрик (Латурнус 66), Исмағұлов, Төлеухан (Смақов 57), Бекболат, Нұрғали (Керімхан 46);

Қосалқы құрам: Гайнуллин (Қ), Артурұлы, Жексенбек, Молдағалиев.

Грекия U-19: Криарас (Қ), Авгитидис, Аврамулис, Каиноургиакис, Кирьязидис, Капеллас (Турсунидис 46), Гьока, Христопулос (Теокарис 66), Циокос (Аретис 86), Бердос (Венетис 66), Ианноу (Ситмалидис 59);

Қосалқы құрам: Стамеллос (Қ), Вынтра, Сидиропулос, Кнарис.

09.06.2026. «Тумба» стадионы, Салоники (Грекия).