Астанада қыздар арасындағы «Былғары доп» мектеп лигасының финалы өтті

15 маусым 2026, 15:41

Елордада 5-6 сынып оқушылары арасындағы футболдан «Былғары доп» Ұлттық мектеп лигасының финалдық кезеңі өз мәресіне жетті.

Тартысты өткен матчтардың қорытындысы бойынша Солтүстік Қазақстан облысы Қайранкөл жалпы орта білім беретін мектебінің командасы жарыс жеңімпазы атанды. Күміс жүлде Маңғыстау облысы Жаңаөзен қаласының №7 жалпы білім беретін мектебінің аруларына бұйырса, үздік үштікті Қызылорда облысы Шиелі ауданындағы Абай атындағы №50 орта мектептің ұжымы қорытындылады.

Турнир нәтижесінде ұйымдастырушылар жеке номинациялар бойынша үздік ойыншылар мен бапкерлерді анықтады:

Үздік қақпашы – Әлима Махмуд (Маңғыстау облысы, №7 ЖББМ)

Үздік қорғаушы – Жауқазын Ерғали (Қызылорда облысы, Абай атындағы №50 орта мектеп)

Үздік жартылай қорғаушы – Аружан Төреханова (Алматы облысы, №39 гимназия)

Үздік сұрмерген – Гюзель Теміртас (Маңғыстау облысы, №7 ЖББМ)

Үздік ойыншы – Айлана Талғат (СҚО, Қайранкөл ЖОББМ)

Үздік бапкер – Арарат Рзабеков (Маңғыстау облысы, №7 ЖББМ)