Қазақстан U-19 құрамасының ЕУРО-2026/27 екінші іріктеу кезеңіндегі қарсыластары анықталды
15 маусым 2026, 15:56
Жеребе қорытындысы бойынша Қазақстан U-19 құрамасы А Лигасының екінші тобына түсті. Іріктеу кезеңінде біздің команда Бельгия, Шотландия және Косово жасөспірімдер құрамаларымен кездеседі.
Турнир матчтары 11-17 қараша аралығында Шотландияда өтеді.
А Лигасының екінші кезеңінде өз топтарында алғашқы үш орынды иеленген командалар іріктеу турнирінің үшінші кезеңіне жолдама алады, бұл бәсеке 2027 жылдың көктемінде ұйымдастырылады. Оларға В Лигасы топтарының жеңімпаздары қосылады.
Үшінші кезеңде 28 құрама төрт командадан жеті топқа бөлінеді. Топ жарған жеті ұжым алдағы доданың қожайыны – Чехияға қосылып, финалдық кезеңде бақ сынайды.
Жаңалықтар
15 мау., 14:27
15 мау., 13:48
14 мау., 19:38
12 мау., 16:10
